5 декабрь, Дүшәмбе

18 июнь 2015 йыл, 12:49

Өфө йыйылма командаһы КВН Премьер-лигаһы финалында уйнаясаҡ

 

ӨФӨ, 2015 йыл, 18 июнь. /«Башинформ» мәғлүмәт агентлығы, Артур Басиров/. Өфө йыйылма командаһы Александр Масляковтың КВН Премьер-лигаһы финалына сыҡты. Яҡташтарыбыҙ Шаяндар һәм отҡорҙар клубының ярымфинал уйындарында беренсе урын яуланы. Уйын Мәскәүҙең «КВН планетаһы» йәштәр үҙәгендә ойошторолдо.

Шаяндар һәм отҡорҙар клубының рәсми сайтында онлайн-репортаж алып барылды. Унда Өфө командаһын көс-дәрттәре ташып торған егеттәр командаһы тип атайҙар. Сығышҡа килгәндә, күберәк йәйге номерҙар: университетта сығарылыш кисәһе, футбол өҫтөнлөк итте.

Өфө йыйылма командаһының сығышын июль айында Беренсе каналда күрергә мөмкин.