6 декабрь, Шишәмбе

10 июнь 2015 йыл, 17:43

Төбәктә компаниялар хеҙмәткәрҙәренә хеҙмәт хаҡы буйынса күп миллионлыҡ бурыстарын ҡайтарҙы

фото: Олег Яровиков

ӨФӨ, 2015 йыл, 10 июнь. /«Башинформ» мәғлүмәт агентлығы, Артур Басиров/. Ғинуар-майҙа Башҡортостанда компаниялар хеҙмәткәрҙәренә 150 миллион һумға яҡын хеҙмәт хаҡы буйынса бурыстарын ҡайтарҙы. Быға республикалағы Дәүләт хеҙмәт инспекцияһы ярҙамында өлгәшелде.

Ағымдағы йылдың тәүге биш айында инспекция 500-ҙән ашыу тикшереү үткәргән. Уларҙың һөҙөмтәләре буйынса 187 эш биреүсенең хеҙмәт ҡануниәтен боҙоуы асыҡланған, 137 етәксе 4 меңдән ашыу хеҙмәткәрҙәренә 136,7 миллион һумлыҡ эш хаҡы түләмәгән.

Ведомство хәбәр итеүенсә, быйыл ғинуар-майҙа хеҙмәт хаҡын ваҡытында түләмәү буйынса 700-гә яҡын закон боҙоу осрағы теркәлгән, уларҙы бөтөрөү маҡсатында 388 күрһәтмә бирелгән, 1169 вазифалы һәм юридик шәхестәргә 7 миллион һумдан ашыу штраф һалынған. Биш меңдән ашыу хеҙмәткәр 150 миллион һум самаһы эш биреүсе тарафынан түләнмәгән хеҙмәт хаҡы алған.