2 декабрь, Йома

03 июнь 2015 йыл, 17:19

Республикала Урман ҡасабаһынан меңдән ашыу кеше эвакуацияланған

фото: Олег Яровиков

ӨФӨ, 2015 йыл, 3 июнь. /«Башинформ» мәғлүмәт агентлығы, Артур Басиров/. Башҡортостанда Урман ҡасабаһынан меңдән ашыу кеше эвакуацияланған. Иҫегеҙгә төшөрәбеҙ, унда хәрби келәттәрҙә дарыны утилләштереү ваҡытында боеприпастарҙың ағас йәшниктәре, артабан келәттәге дары янып киткән. Был хаҡта Ғәҙәттән тыш хәлдәр министрлығы хәбәр итә.

Иглин районының Урман ҡасабаһы халҡын эвакуациялау өсөн Иглин ҡасабаһында һәм Надеждин, Оло Тәләк ауыл советтары биләмәләрендә өс ваҡытлыса урынлаштырыу пункттары әҙерләнгән.

Ваҡиға эҙемтәләрен бөтөрөү өсөн 129 кеше, 54 берәмек техника йәлеп ителгән. Халыҡ менән эшләү өсөн психологтарҙың оператив төркөмө булдырылған.