6 декабрь, Шишәмбе

02 июнь 2015 йыл, 14:46

Дания Башҡортостандың инвестиция мөмкинлектәре менән ҡыҙыҡһына

фото: Олег Яровиков

ӨФӨ, 2015 йыл, 2 июнь. /«Башинформ» мәғлүмәт агентлығы, Артур Басиров/. 2 июндә Өфөлә Дания Короллегенең Рәсәйҙәге илсеһе Томас Винклер етәкселегендәге делегация өсөн ойошторолған презентацияла республиканың инвестиция мөмкинлектәре күрһәтелде. Осрашыу Инвесторҙар йортонда үтте.

Сарала Даниянан килгән энергетика, экология, нефть һәм газ сәнәғәте, һаулыҡ һаҡлау тармаҡтарындағы компанияларҙың 20-нән ашыу вәкиле ҡатнашты.

«Бөгөнгө презентацияла ҡатнашҡан компаниялар күптән Рәсәй баҙарына сыҡҡан. Улар үҙҙәренең проектын үҫтереү өҫтөндә эшләй. Компанияларҙың белемен һәм тәжрибәһен Башҡортостан Хөкүмәте алдында торған өҫтөнлөктәргә йүнәлтеү мөһим. Мәҫәлән, ике яҡ та ауыл хужалығы менән ҡыҙыҡһына. Шулай уҡ беҙ нефть һәм газ, энергетика, һаулыҡ һаҡлау өлкәләрендәге технологияларҙы максималь файҙаланырға тейеш», — тип билдәләне Дания Короллегенең Рәсәйҙәге илсеһе.