9 декабрь, Йома

29 май 2015 йыл, 13:29

Баш ҡалала Оксана Савченко ГТО-ға әҙерлек буйынса зарядка үткәрә

 

ӨФӨ, 2015 йыл, 29 май. /«Башинформ» мәғлүмәт агентлығы, Ғәлиә Нәбиева/. Башҡортостандың «Йәш гвардия»һы «Хеҙмәткә һәм оборонаға әҙер» нормативтарын тапшырыуға әҙерләнеү өсөн күмәк кеше ҡатнашлығында күнегеүҙәр үткәрә. Тәүге зарядка 30 майҙа иртәнге сәғәт 10-да «Родина» кинотеатры алдындағы майҙанда башлана. Уны Паралимпия уйындары, донъя һәм Европа чемпионы Оксана Савченко уҙғара.

Проектты ойоштороусылар булып «Берҙәм Рәсәй»ҙәрҙең «Зачет» федераль проекты ағзалары сығыш яһаны.

Йөҙөү, йүгереү, оҙонлоҡҡа һикереү, турникта күтәрелеү, снаряд ырғытыу, саңғыла йүгереү, пневматик винтовканан атыу, алға эйелеү, гер күтәреү «Хеҙмәткә һәм оборонаға әҙер» Бөтә Рәсәй физкультура-һауыҡтырыу комплексы нормативтарының төп төрҙәре һанала.