Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.66 ↑

EUR 63.72 ↓

21 ғинуар, Шәмбе

Уфа   °

Халыҡ контролерҙары төбәктә аҙыҡ-түлеккә хаҡтарҙың артыуын билдәләне

Йәмғиәт

ӨФӨ, 2015 йыл, 22 май. /«Башинформ» мәғлүмәт агентлығы, Ғәлиә Нәбиева/.

Благовещенскиҙа «Берҙәм Рәсәй» партияһының «Халыҡ контроле» проекты ағзалары урындағы магазиндарҙа төп аҙыҡ-түлек хаҡтарын, торлаҡ-коммуналь хужалыҡ хеҙмәттәре тарифтары, йәмәғәт транспортында йөрөү һәм бензин хаҡтарын тикшерҙе. Мониторинг «Магнит», «Байрам», «Омега», «Ағиҙел» магазиндарының ваҡлап һатыу хаҡтарына үткәрелде, тип аңлатма бирҙеләр партияның төбәк бүлексәһендә.

Бер айҙа туҡланыу продукттары хаҡтары динамикаһы күпселек тауарҙарҙың ҡиммәтләнеүен күрһәтте. Магазиндарҙа халыҡ контролерҙары балыҡ консерваларына хаҡтарҙың артыуын теркәне. Мәҫәлән, «Сайра» 3,5 процентҡа ҡыйбатланған. Һөт — 6,2, «Аҡ болот» кефиры — 7,5, голланд сыры 12,6 процентҡа артҡан. Еләк-емеш, йәшелсә лә ҡиммәтерәк. Мәҫәлән, борос — 19,2, башлы һуған — 13,5, ҡыяр — 12,8, кәбеҫтә — 4,3, алма — 4,5, банан — 12,3 процентҡа ҡыйбатланған. Әфлисунға ла хаҡтар 16,2 процентҡа күтәрелгән.

Торлаҡ-коммуналь хужалыҡ хеҙмәттәренә тарифтар, ҡала-ара автобустарында, йәмәғәт транспортында хаҡтар артмаған. Апрелдә Благовещенск ҡалаһының «Башнефть» автозаправкалау станцияһында хаҡтар тотороҡло, АИ-92 бензинының бер литры — 31,20 һум, АИ-80 — 34,50, АИ-95 — 34 һум.

Яндекс цитирования
Рейтинг ресурсов "УралWeb" -->
закрыть