5 декабрь, Дүшәмбе

22 май 2015 йыл, 9:41

Рөстәм Хәмитов: «ШОС үҫеше стратегияһын ҡабул итеү — халыҡ-ара сәйәсәттең көн тәртибендә ҡатнашыуға мөһим аҙым»

 

ӨФӨ, 2015 йыл, 22 май. /«Башинформ» мәғлүмәт агентлығы, Сергей Захаров/. ШОС үҫеше стратегияһын ҡабул итеү — халыҡ-ара сәйәсәттең көн тәртибендә ҡатнашыуға мөһим аҙым. Рәсәй ошондай башланғыс менән сығыш яһаны. Бында Шанхай хеҙмәттәшлек ойошмаһы сиктәрендә дәүләттәрҙең үҙ-ара килешеп эш итеүенә этәргес биреү, алдағы ун йылда һөҙөмтәлерәк эшләү хаҡында һүҙ бара. БРИКС саммитында оҡшаш документ — 2020 йылға тиклем Иҡтисади партнерлыҡ стратегияһы ҡараласаҡ, — тип белдерҙе Рөстәм Хәмитов «Эксперт-Урал» журналына биргән интервьюһында.

Бынан тыш, республика Башлығы ни өсөн тап Өфө күләмле форумдар үткәреү урыны итеп һайланыуы тураһында һөйләне, саммиттарға әҙерлек кимәлен баһаланы, баш ҡалала бишенсе тапҡыр уҙғарылған «Ҙур химия» халыҡ-ара форумының әһәмиәтен билдәләне, шулай уҡ Башҡортостандың туристик инфраструктураһы үҫеше перспективалары менән бүлеште.