5 декабрь, Дүшәмбе

21 май 2015 йыл, 17:52

Республикала талпан ҡаҙалыуҙың 2220 осрағы теркәлгән

фото: Олег Яровиков

ӨФӨ, 2015 йыл, 21 май. /«Башинформ» мәғлүмәт агентлығы, Эльмира Сабирова/. Башҡортостанда әүәлгесә талпан ҡаҙалыу осраҡтары теркәлә. Роспотребнадзорҙың Башҡортостан буйынса идаралығы мәғлүмәттәре буйынса, миҙгел башланғандан бирле республиканың медицина ойошмаларына талпандан тешләнгән 2220 кеше мөрәжәғәт иткән. Уларҙың 793-ө — балалар.

Дауаханаға килгәндәрҙең 39,2 процентына, шул иҫәптән балаларҙың 73,6 процентына иммуноглобулин профилактикаһы үткәрелгән. Гигиена һәм эпидемиология үҙәге лабораторияһында 1 апрелдән алып 2189 талпан тикшерелгән, уларҙың 151-ендә энцефалит вирусы асыҡланған.

Әлеге көндә талпан энцефалиты һәм боррелиоз менән ауырыусылар теркәлмәгән.