9 декабрь, Йома

19 май 2015 йыл, 15:33

Баш ҡалала ШОС һәм БРИКС илдәренең Бәләкәй эшҡыуарлыҡ форумы уҙа

 

ӨФӨ, 2015 йыл, 19 май. /«Башинформ» мәғлүмәт агентлығы, Артур Басиров/. 21 октябрҙән 23-нә тиклем Өфөлә ШОС һәм БРИКС илдәре төбәктәренең тәүге Бәләкәй эшҡыуарлыҡ форумы уҙа. Башҡортостандың Эшҡыуарлыҡ һәм туризм буйынса дәүләт комитеты һәм төбәктең Сауҙа-сәнәғәт палатаһы халыҡ-ара осрашыуҙың концепцияһын әҙерләй.

Форум сиктәрендә ШОС һәм БРИКС илдәре франчайзерҙарының күргәҙмә-йәрминкәһе, Эшлекле бәйләнештәрҙең төбәк-ара биржаһы, түңәрәк өҫтәлдәр, фекер алышыуҙар, төбәктәрҙең инвестиция проекттарын күрһәтеү, республика предприятиеларына барыу ҡаралған. Форумдың концепцияһы һәм программа проекты 5 июнгә тиклем «ШОС һәм БРИКС офис төркөмдәре» сайтына урынлаштырыла.

ШОС һәм БРИКС илдәренең Бәләкәй эшҡыуарлыҡ форумын уҙғарырға Башҡортостан Башлығы Рөстәм Хәмитов тәҡдим итте. Рәсәй Президенты Владимир Путин был башланғысты хупланы.