3 декабрь, Шәмбе

15 май 2015 йыл, 17:08

«Башавтотранс» Стәрлетамаҡта ике яңы ҡала-ара маршрутын асты

 

ӨФӨ, 2015 йыл, 15 май. /«Башинформ» мәғлүмәт агентлығы, Артур Басиров/. «Башавтотранс» предприятиеһы Стәрлетамаҡ — Сорғот һәм Стәрлетамаҡ — Нижневартовск маршруттарын асты. Был хаҡта компанияның матбуғат хеҙмәте хәбәр итә.

Сорғотҡа тиклем автобус һәр шишәмбе, шәмбе һәм йәкшәмбе көндәрендә йөрөй һәм Салауат, Мәләүез, Баймаҡ, Сибай, Магнитогорск, Силәбе, Ҡурған, Төмән, Тобольск һәм Нефтеюганск ҡалалары аша үтә. Кесаҙна иһә Салауат, Мәләүез, Баймаҡ, Сибай, Магнитогорск, Силәбе, Екатеринбург, Төмән, Тобольск, Нефтеюганск, Сорғот, Лангепас һәм Мегион аша Нижневартовскиға барырға була.

«Башавтотранс»та билдәләүҙәренсә, әлеге маршруттар республика халҡының һорауы буйынса асылған.