Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.31 ↑

EUR 61.50 ↓

27 апрель, Кесе йома

Уфа   °

Башҡортостан биләмәһе буйлап «Интеллектуаль Ебәк юлы» карауаны үтә

Йәмғиәт

ӨФӨ, 2015 йыл, 13 май. /«Башинформ» мәғлүмәт агентлығы, Ләйлә Аралбаева/.

17 июлдә Севастополдә инновациялы халыҡ-ара проект — «Интеллектуаль Ебәк юлы» автокарауаны башлана. Ул Ҡырғыҙстан Республикаһының Ысыҡкүл буйында тамамлана. 5 сентябргә тиклем 60 ҡатнашыусы 11 ҙур ҡалала туҡтап, дүрт ил (Рәсәй, Ҡаҙағстан, Ҡырғыҙстан, Тажикстан) аша үтә. Улар — Севастополь, Ярославль, Яр Саллы, Ырымбур, Өфө, Астана, Алматы, Нарын, Ош, Бишкәк, Дүшәнбе.

Бөгөн, 13 майҙа, «Башинформ» агентлығының конференциялар залында сараны ойоштороусылар яңы проект хаҡында һөйләне.

Карауанда Рәсәйҙең, Ҡырғыҙстандың, Ҡаҙағстандың, Тажикстандың, Ҡытай Халыҡ Республикаһының һәм Һиндостандың белем биреү университеттары һәм ғилми-тикшеренеү институттары ҡатнаша. Карауан сиктәрендә ғилми-ғәмәли конференциялар һәм форумдар, түңәрәк өҫтәлдәр, этник фестивалдәр ҡаралған. 29-30 июлдә Өфөлә Һинд мәҙәниәте фестивале һәм түңәрәк өҫтәлдәр уҙа.

Быйыл проект рус ғалимы, дәүләт һәм йәмәғәт эшмәкәре П.П.Семенов-Тян-Шанский иҫтәлегенә арналған. Был йылда уның Урта Азияға барыуына һәм рус экспедицияһының Тянь-Шань тауына менеүенә 160 йыл тула. Шулай уҡ карауанда ҡатнашыусылар үҙҙәренең проектын Бөйөк Еңеүҙең 70 йыллығына бағышлай.

Киләсәктә сараны Европа һәм Азия университеттарын йәлеп итеп, йыл һайын ойошторорға планлаштырыла.

Яндекс цитирования
Рейтинг ресурсов "УралWeb" -->
закрыть