6 декабрь, Шишәмбе

12 май 2015 йыл, 14:52

Ҡойма ямғырҙар арҡаһында төбәктә ташҡындың икенсе тулҡыны башланды

фото: Андрей Старостин

ӨФӨ, 2015 йыл, 12 май. /«Башинформ» мәғлүмәт агентлығы, Эльвира Латипова/. Майҙың тәүге ун көнлөгөндә яуған ҡойма ямғырҙар арҡаһында Башҡортостанда ташҡындың икенсе тулҡыны башланды. Май баштарында һыу кимәле кәмеүгә табан барған республика һыу һаҡлағыстарында йәнә артыу билдәләнгән. Был хаҡта «Башинформ» агентлығына Башҡортостан генерациялаусы компанияһынан хәбәр иттеләр.

Мәҫәлән, һуңғы көндәрҙә яуым-төшөм һәм грунт һыуҙарының күтәрелеүе һөҙөмтәһендә Павловка һыу һаҡлағысында һыу секундына 1700 кубометр тиҙлек менән тулған. 26 апрелдә иң юғары күрһәткес теркәлгән — секундына 1750 кубометр. Әлеге ваҡытта 1300 кимәлендә билдәләнгән.

Павловка һыу һаҡлағысы тейешле кимәлгә тиклем тулған — диңгеҙ кимәленән 140 метрға бейегерәк. Секундына 1300 кубометр һыу ағыҙыла.

Йомағужа һыу һаҡлағысында һыу секундына 360 кубометр тиҙлек менән тула. 27 апрелдә — секундына 412 кубометр, ә май баштарында 290 кубометрҙан кәмерәк булған.