8 декабрь, Кесе йома

12 май 2015 йыл, 10:39

Швед ҡапҡасыһы Никлас Сведберг «Салауат Юлаев» өсөн уйнаясаҡ

фото: клубтың рәсми сайтынан

ӨФӨ, 2015 йыл, 12 май. /«Башинформ» мәғлүмәт агентлығы/. Швед легионеры Никлас Сведберг яңы миҙгелдән «Салауат Юлаев» хоккей клубы өсөн сығыш яһаясаҡ, тип хәбәр ителә клубтың рәсми сайтында. 25 йәшлек голкипер бер йыллыҡ килешеүгә ҡул ҡуйған.

Сведбергтың «Бостон Брюинс» составында Милли хоккей лигаһында сығыш яһау тәжрибәһе бар.

2012/2013 йылдар миҙгелендә Америка хоккей лигаһында «Бостона — «Провиденс» фарм-клубы өсөн уйнаған Никлас Сведберг лиганың иң яҡшы голкиперы тип танылған. Шулай уҡ Сведберг — Швеция чемпионы.