5 декабрь, Дүшәмбе

12 май 2015 йыл, 9:51

Өфөнөң «Ягуар» клубы спортсылары тай боксы буйынса донъя чемпионатында Рәсәй исеменән сығыш яһаясаҡ

фото: «Ягуар» клубы архивы

ӨФӨ, 2015 йыл, 12 май. /«Башинформ» мәғлүмәт агентлығы, Ольга Мортазина/. Өфөнөң биш бокссыһы Екатеринбургта үткән Рәсәй беренселегендә яҡшы һөҙөмтәләр күрһәтте. «Руслан Туҡтаров менән Артемий Бражников алтын миҙал яуланы. Руслан, шулай уҡ көмөш миҙал алған Хәйәм Худойбердиев спорт мастерына кандидат нормативтарын үтәне. Артем Кузеев менән Михаил Артамонов «бронза»ға лайыҡ булды», — тип һөйләне «Ягуар» клубының өлкән тренеры Максим Кузеев.  

Туҡтаров менән Бражников август айында Таиландта уҙасаҡ донъя беренселегендә ил исеменән сығыш яһай.

темалар: тай боксы