3 декабрь, Шәмбе

07 май 2015 йыл, 15:57

Башҡортостан уҡыусыһы рәсәйҙәрҙе еңеү байрамы менән ҡотлаясаҡ

 

ӨФӨ, 2015 йыл, 7 май. /«Башинформ» мәғлүмәт агентлығы, Әлим Фәйезов/. Туймазы ҡалаһы 8-се урта дөйөм белем биреү мәктәбенең 6 класс уҡыусыһы Иван Примакин «Беҙ — һинең балаларың, Еңеү!» Бөтә Рәсәй мәғрифәтселек проекты еңеүселәренең береһе булды. Ошо конкурста еңеүселәрҙең фотоһүрәттәре Бөйөк Еңеүҙең 70 йыллығы уңайынан сығарылған почта открыткаларын биҙәй. Мәктәп уҡыусыһы Иван Примакин — 316 хәрби осош яһаған Советтар Союзы Геройы Иван Примакиндың ейәне.

Открыткалағы йәш Иван Примакин бөтә рәсәйҙәрҙе бөйөк байрам менән ҡотлаясаҡ. Ул үҙенең еңеүен герой олатаһына арнаған, тип хәбәр иттеләр Туймазы районы хакимиәтенән.