9 декабрь, Йома

06 май 2015 йыл, 14:07

Майҙа Өфөлә ШОС илдәренең дөйөм транспорт системаһын булдырыу мөмкинлектәре тикшереләсәк

фото: Олег Яровиков

ӨФӨ, 2015 йыл, 6 май. /«Башинформ» мәғлүмәт агентлығы, Артур Басиров/. Башҡортостандың баш ҡалаһында ШОС ағзалары булған дәүләттәрҙең транспорт министрҙары кәңәшмәһендә ойошмаға ингән илдәрҙең дөйөм транспорт системаһын булдырыу мәсьәләһе тикшереләсәк. Өфөгә ШОС ағзалары булған дәүләттәрҙең министрҙары, күҙәтеүселәр һәм партнерҙар етәкселегендә 17 милли делегация һәм халыҡ-ара төбәк ойошмалары, дәүләт-ара берекмәләр етәкселәре килә. Был хаҡта «ШОС БРИКС» Өфө-2015 төркөмө хәбәр итә.

Кәңәшмә барышында автомобиль, тимер юл һәм авиация транспорты өлкәһендә хеҙмәттәшлекте үҫтереү, яңы транспорт инфраструктураһын, яңы проекттарҙы сафҡа индереү тикшереләсәк. Шанхай хеҙмәттәшлек ойошмаһы дәүләттәренең автомобиль юлдарын үҫтереү программаһын әҙерләү тураһында фекер алышыу ойоштороу планлаштырыла.

Кәңәшмә Өфөлә 14-15 майҙа үтә.