3 декабрь, Шәмбе

05 май 2015 йыл, 11:53

Оборона министрлығы Бөйөк Ватан һуғышы геройҙарының яҙмышы хаҡында «Халыҡ хәтере» исемле яңы ресурс асты

 

ӨФӨ, 2015 йыл, 5 май. /«Башинформ» мәғлүмәт агентлығы, Ғәлиә Нәбиева/. Рәсәйҙең Оборона министрлығы Бөйөк Ватан һуғышы геройҙарының яҙмышы тураһында «Халыҡ хәтере» тип аталған интернет-портал асты. Теләгән һәр кем ата-бабаларының ҡаһарманлыҡтары йәки уларҙың яҙмыштары хаҡында мәғлүмәт туплай, документтарын табып, ғаилә архивын төҙөй ала, тип хәбәр итә ТАСС агентлығы.

Берҙәм мәғлүмәттәр базаһында шулай уҡ Беренсе һәм Икенсе донъя һуғыштарындағы юғалтыуҙар һәм һалдат-офицерҙарҙы бүләкләүҙәр тураһында документтар тупланған. Проект сиктәрендә яугирҙәрҙең тыуған, һәләк булған һәм һуңғы хеҙмәт иткән урыны тураһында мәғлүмәттәр йыйыу, һуғыш геройҙарының яҙмышын бер епкә теҙеү буйынса ҙур эш башҡарылған.

«Халыҡ хәтере» проекты Рәсәй Президенты һәм Хөкүмәте ҡушыуы, Рәсәйҙең «Еңеү» ойоштороу комитеты ҡарары буйынса ғәмәлгә ашырылған.