7 декабрь, Шаршамбы

05 май 2015 йыл, 10:11

Киләһе йылда Башҡортостанда 283 тонна балыҡ тоторға мөмкин

фото: Олег Яровиков

ӨФӨ, 2015 йыл, 5 май. /«Башинформ» мәғлүмәт агентлығы, Сергей Захаров/. Башҡортостандың Тәбиғәттән файҙаланыу һәм экология министрлығында сәнәғәт һәм һәүәҫкәр балыҡсылыҡ, фәнни-тикшеренеү өсөн балыҡ тотоу маҡсатында балыҡсылыҡ кәсебе участкалары менән файҙаланыусылар өсөн квоталар билдәләнәсәк материалдар буйынса йәмәғәт тыңлауҙары үтте.

«Суртан, ҡорман, һыла, йәйен, уҡбалыҡ һәм ҡыҫала тотоу рөхсәт ителгән. Әгәр ҙә ҡайһы бер балыҡтарҙы тотоу рөхсәт ителмәй икән, тимәк, республика биләмәһендә бындай балыҡсылыҡ кәсебе менән шөғөлләнергә ярамай», — тип хәбәр иттеләр Экология министрлығында.

Йәмәғәт тыңлауҙары һөҙөмтәләре буйынса киләһе йылда 283 тонна балыҡ, шул иҫәптән 11 тонна умыртҡаһыҙҙар тоторға мөмкин.