3 декабрь, Шәмбе

28 апрель 2015 йыл, 14:44

«Салауат Юлаев» командаһын Анатолий Емелин етәкләне

 

ӨФӨ, 2015 йыл, 28 апрель. /«Башинформ» мәғлүмәт агентлығы, Дмитрий Слезин/. «Салауат Юлаев» хоккей клубының матбуғат хеҙмәте команда структураһындағы үҙгәрештәр хаҡында хәбәр итә.

Генераль менеджер вазифаһына Леонид Вайсфельд тәғәйенләнгән (быға тиклем ул Екатеринбургтың «Автомобилист» командаһында ошо уҡ вазифаны биләгән).

Клубтың спорт директоры вазифаһына Роман Беляев раҫланған (Екатеринбургта башҡарма директор һәм генераль менеджер ассистенты булып эшләгән).

Команданың баш тренеры итеп уҙған миҙгелдә «Автомобилист»тың тренерҙар штабын етәкләгән Анатолий Емелин тәғәйенләнгән.

Уның менән бергә Башҡортостандың баш ҡалаһына Аркадий Андреев күсеп килгән, ул өлкән тренер буласаҡ. Шулай уҡ команданың тренерҙар штабында Өфө хоккейы тәрбиәләнеүсеһе Андрей Зюзин бар.

Дмитрий Курошин — ҡапҡасыларҙың тренеры, профессор Василий Коновалов — физик әҙерлек буйынса тренер.