7 декабрь, Шаршамбы

27 апрель 2015 йыл, 15:00

Байрамдарға бәйле, төбәктә май айына берҙәм социаль юл йөрөү билетын апрелдә тулыландырыу яҡшыраҡ

 

ӨФӨ, 2015 йыл, 27 апрель. /«Башинформ» мәғлүмәт агентлығы, Эльвира Латипова/. Майҙа байрамдарҙың һәм ял көндәренең күп булыуына бәйле, май айына берҙәм социаль юл йөрөү билетын апрелдә тулыландырыу яҡшыраҡ, тип хәбәр иттеләр «Башҡортостан социаль карталар регистры» асыҡ акционерҙар йәмғиәтенән.

1 һәм 9 майҙа «Рәсәй почтаһы»ндағы юл йөрөү билеттарын тулыландырыу пункттары эшләмәй, башҡа көндәрҙә улар билдәләнгән график буйынса хеҙмәтләндерәсәк. «Связь-Банк» асыҡ акционерҙар йәмғиәтенең Өфөләге филиалы 1 майҙан 4-нә һәм 9 майҙан 11-нә тиклем ябыҡ буласаҡ. «БИС» асыҡ акционерҙар йәмғиәте график буйынса эшләй. Башкомснаббанктың үҙ-үҙеңде хеҙмәтләндереү терминалдары менән тәүлек әйләнәһенә файҙаланырға мөмкин.

Социаль юл йөрөү билетын тулыландырыу пункттарының адресын 8-800-100-81-80 ҡыҙыу линияһы буйынса (шылтыратыу бушлай) һәм (347) 276-91-69, 276-91-23 телефондары буйынса йәки Башҡортостан социаль карталар регистры сайтынан белергә була.