3 декабрь, Шәмбе

23 апрель 2015 йыл, 13:29

Өфө фонтандар миҙгелен асыуға әҙерләнә

фото: Олег Яровиков

ӨФӨ, 2015 йыл, 23 апрель. /«Башинформ» мәғлүмәт агентлығы, Екатерина Соколова/. Өфөлә фонтандар миҙгелен асыуға әҙерлек бара.

Баш ҡала хакимиәтенән хәбәр итеүҙәренсә, Дим районында дүрт фонтан асыла – 1 майҙа көндөҙгө сәғәт 12-лә Хәҡиҡәт һәм Левитан урамдарында, 1-се яртыла – Хәҡиҡәт урамындағы Әкиәттәр аллеяһында, сәғәт 2-лә Таллин урамындағы «Орион» Балалар һәм үҫмерҙәр ижады һарайы скверында фонтандар эшләй башлай.

Шул уҡ көндө Салауат Юлаев майҙанында, Ленин исемендәге паркта, Мостай Кәрим исемендәге скверҙа һәм ҡала ЗАГС-ы алдындағы майҙанда фонтандар асыла.

30 апрелдә көндөҙгө сәғәт 12-лә «Искра» кинотеатры һәм Йәштәр һарайы алдындағы майҙандарҙа фонтандар эшләй башлай.

темалар: фонтандар