Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.07 ↓

EUR 60.84 ↓

25 апрель, Шишәмбе

Уфа   °

А.В.Доставалов исемендәге Волга буйы федераль округының башҡорт кадет корпусы тәрбиәләнеүсеһе республиканың иң яҡшы кадеты тип танылды

Йәмғиәт

ӨФӨ, 2015 йыл, 16 апрель. /«Башинформ» мәғлүмәт агентлығы, Эльмира Сабирова/.

Башҡортостанда «Иң яҡшы кадет» исеменә республика конкурсы еңеүселәре һәм призерҙары билдәләнде. Һигеҙ конкурс һынауҙары йомғаҡтары буйынса 13 ҡатнашыусы араһынан А.В.Доставалов исемендәге Волга буйы федераль округының башҡорт кадет корпусы (Ишембай) тәрбиәләнеүсеһе Дмитрий Балакин иң яҡшыһы тип танылды. Икенсе урынды Мәләүез районының 4-се мәктәбе уҡыусыһы Иван Денисов яуланы. Өсөнсөлә — Стәрлетамаҡ ҡалаһының 4-се мәктәбенән Евгений Дмитриев.

«Иң яҡшы спортсы» номинацияһында Нефтекаманың 11-се мәктәбе кадеты Илүс Ғәлиев еңеп сыҡты. Күмертау ҡалаһының 6-сы мәктәбенән Артем Никитин — «Ижади яҡтан һәләтле», Дүртөйлөнөң 4-се мәктәбенән Шамил Фазлыев — «Иң мәргәне», Туймазы районы Серафимовка ауылының 3-сө мәктәбенән Дамир Әфләтүнов «Төплө белемле» тип танылды.

Башҡортостан Мәғариф министрлығының матбуғат хеҙмәтенән хәбәр итеүҙәренсә, кадеттар һүҙгә маһирлыҡ, карта буйынса эшләү, тәүге ярҙам күрһәтеү һәм шәхси һаҡланыу саралары, ут һүндергес менән ҡулланыу, автоматты һүтеп-йыйыу, пневматик винтовканан атыу буйынса ярышты.

Еңеүселәр һәм номинация лауреаттары дипломдар һәм ҡиммәтле приздар менән бүләкләнде.

Ярышты ойоштороусылар — Рәсәй Ғәҙәттән тыш хәлдәр министрлығының Башҡортостан буйынса баш идаралығы, Башҡортостандың Мәғариф министрлығы һәм «Рәсәйҙең ҡотҡарыусылар союзы» Дөйөм Рәсәй йәмәғәт ойошмаһының Башҡортостан төбәк бүлексәһе.

Яндекс цитирования
Рейтинг ресурсов "УралWeb" -->
закрыть