8 декабрь, Кесе йома

14 апрель 2015 йыл, 17:14

Башҡортостанда Еңеүҙең 70 йыллығына арналған автоуҙыш башлана

 

ӨФӨ, 2015 йыл, 14 апрель. /«Башинформ» мәғлүмәт агентлығы, Эльмира Сабирова/. 16 апрелдә Башҡортостанда Бөйөк Ватан һуғышында Еңеүҙең 70 йыллығына арналған республика автоуҙышы башлана.

Акция 19 апрелгә тиклем дауам итә. Ҡатнашыусылар Ҡариҙел — Асҡын — Тәтешле — Балтас маршруты буйынса юлға сыға. Маршрутта үҙгәрештәр булыуы ихтимал, тип хәбәр иттеләр Башҡортостан Йәштәр сәйәсәте һәм спорт министрлығының матбуғат хеҙмәтенән.

Автоуҙыш сиктәрендә һуғыш ветерандары, тыл эшсәндәре, локаль хәрби бәрелештәрҙә ҡатнашыусылар, хәрби-патриотик клубтар һәм берекмәләрҙең курсанттары менән осрашыуҙар ойоштороласаҡ.

Автоуҙыш иртәнге сәғәт 10-да Совет майҙанынан старт ала. Проекттың ойоштороусылары — Башҡортостандың Йәштәр сәйәсәте һәм спорт министрлығы, Башҡортостандың Патриотик тәрбиә биреү һәм хәрби хеҙмәткә әҙерләү үҙәге һәм Волейболсылар клубы.