Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.47

EUR 60.45

24 февраль, Йома

Уфа   °

Башҡортостанда халыҡтың тәбиғи һәм миграция иҫәбенә кәмеүе билдәләнә

Йәмғиәт

ӨФӨ, 2015 йыл, 6 апрель. /«Башинформ» мәғлүмәт агентлығы, Эльвира Латипова/.

Ғинуар-февралдә республикала халыҡ һаны 2229 кешегә кәмегән. Башҡортостанстат тәбиғи һәм миграция иҫәбенә кәмеүҙе теркәгән.

Статистика мәғлүмәттәре буйынса, ике ай эсендә төбәктә 8938 сабый тыуған — былтырғы ошо осор менән сағыштырғанда 8,2 процентҡа кәмерәк. 9166 кеше вафат булған — 3,1 процентҡа күберәк. Шулай итеп, халыҡтың тәбиғи кәмеүе 228 кеше тәшкил иткән. Башҡортостанда үлеүселәр һаны тыуыусылар һанынан 2,6 процентҡа артҡан (Рәсәй буйынса  — 12,8 процентҡа).

Волга буйы федераль округында халыҡтың тәбиғи үҫеше Татарстанда (590 кеше) һәм Удмурт Республикаһында (86) артҡан.

Рәсәйҙә үлемдең төп сәбәптәре — ҡан әйләнеше сирҙәре (Рәсәйҙә — 51,6 процент, Башҡортостанда — 40,2), яман һәм яман булмаған шештәр (14,6 һәм 10,9 процент), бәхетһеҙ осраҡтар, ағыуланыуҙар һәм йәрәхәтләнеүҙәр (Рәсәй һәм республика буйынса — 8,1 процент).

Ике ай эсендә төбәктә миграция ағымы күләме 41,1 мең осраҡ тәшкил иткән. 8,3 мең кеше республиканан ситкә киткән, 6,3 мең кеше Башҡортостанды даими йәшәү урыны итеп һайлаған. Миграция сальдоһы — кире: минус 2001 кеше.

Яндекс цитирования
Рейтинг ресурсов "УралWeb" -->
закрыть