4 декабрь, Йәкшәмбе

18 март 2015 йыл, 12:50

Республика Милли музейының әҙәби ҡунаҡханаһы күренекле яҙыусылар менән осрашыуға саҡыра

 

ӨФӨ, 2015 йыл, 18 март. /«Башинформ» мәғлүмәт агентлығы, Ләйлә Аралбаева/. Башҡортостандың Милли музейында «Әҙәби ҡунаҡхана» үҙ эшен дауам итә. Бөгөн, 18 мартта, унда Башҡортостандың халыҡ шағиры, Салауат Юлаев исемендәге дәүләт премияһы лауреаты, филология фәндәре докторы Рауил Бикбаев менән «Тамаша» журналының баш мөхәррире, драматург Сөләймән Латипов ҡунаҡта буласаҡ.

Әҙәбиәт йылына арналған проектта билдәле әҙиптәр һәм шағирҙар ҡатнаша. Осрашыуҙар әҙәби ҡунаҡханала ай һайын уҙғарыла. Проекттың төп маҡсаты — яҙыусылар менән йәнле аралашыу өсөн майҙансыҡ ойоштороу.

Әҙәби ҡунаҡханаға килеүселәр Милли музейҙың 35 залын ҡарап сыға ала. Ҡатнашыу өсөн ғаризалар (347) 272-32-54 телефоны буйынса ҡабул ителә.