8 декабрь, Кесе йома

10 март 2015 йыл, 17:45

Республикала 2015 йылға ваҡиғалар календары төҙөлдө

 

ӨФӨ, 2015 йыл, 10 март. /«Башинформ» мәғлүмәт агентлығы, Артур Басиров/. Башҡортостанда 2015 йылға ваҡиғалар календары төҙөлдө. Унда быйыл республикала ойоштороласаҡ күргәҙмәләр, форумдар, кәңәшмәләр, спорт һәм мәҙәни саралар хаҡында мәғлүмәт тупланған. Был хаҡта Башҡортостандың Эшҡыуарлыҡ һәм туризм буйынса дәүләт комитеты хәбәр итте.

Ведомствола билдәләүҙәренсә, календарь республика халҡы һәм ҡунаҡтары араһында сараларҙы популярлаштырыу, шулай уҡ төбәктең ыңғай имиджын булдырыу өсөн төҙөлгән.

Календарҙың электрон варианты менән Башҡортостандың Эшҡыуарлыҡ һәм туризм буйынса дәүләт комитеты сайтында танышырға мөмкин.