3 декабрь, Шәмбе

10 март 2015 йыл, 15:51

Башҡортостан юл хужалығы өсөн 1 миллиард 651 миллион һумдан ашыу аҡса аласаҡ

фото: Олег Яровиков

ӨФӨ, 2015 йыл, 10 март. /«Башинформ» мәғлүмәт агентлығы, Ғәлиә Нәбиева/. 2015 йылда Башҡортостанға юл хужалығы өлкәһендә төбәк программаларының маҡсатлы күрһәткестәренә ирешеү өсөн 1 миллиард 651 миллион 344,9 мең һум бюджет-ара трансферт бүленәсәк. Тейешле ҡарарға Рәсәй Федерацияһы Хөкүмәте Рәйесе Дмитрий Медведев ҡул ҡуйған.

Федераль бюджет «Транспорт системаһын үҫтереү» дәүләт программаһы сиктәрендә 69 319 000 мең һум күләмендә бюджет-ара трансферт биреүҙе күҙ уңында тота. Был аҡсалар алдағы ун йыллыҡта төҙөлөш һәм автомобиль юлдарын төҙөкләндереү күләмен 2003-2012 йылдар менән сағыштырғанда ике тапҡырға арттырыу өсөн Рәсәй Президенты йөкләмәләре исемлеген үтәү буйынса субъекттар эшмәкәрлектәренә федераль ярҙам булып тора.

темалар: юл хужалығы