6 декабрь, Шишәмбе

02 март 2015 йыл, 14:41

Республиканың таулы райондарында 10 градусҡаса йылытасаҡ

фото: Олег Яровиков

ӨФӨ, 2015 йыл, 2 март. /«Башинформ» мәғлүмәт агентлығы, Розалиә Вәлиева/. Башҡортостандың таулы райондарында һауа температураһы 8-10 градусҡа тиклем йылытасаҡ. Был хаҡта Һамар — Өфө — Силәбе автомобиль магистрале идаралығы Гидрометеорология һәм тирә-яҡ мөхит мониторингы буйынса Башҡортостан идаралығы мәғлүмәттәренә һылтанып хәбәр итә.

2 мартта көндөң аяҙлы-болотло, яуым-төшөмһөҙ булыуы көтөлә. Ел көньяҡтан, талғын. Һауа температураһы төндә 15-20 градус һалҡын, көндөҙ 2 градус һалҡындан 3 градусҡаса йылы буласаҡ, таулы райондарҙа 8 градусҡа тиклем йылытасаҡ.

3-4 мартта республикала көндәрҙең аяҙлы-болотло, яуым-төшөмһөҙ булыуы көтөлә. Ел йүнәлешен үҙгәртеүсән, талғын. Һауа температураһы төндә 15-20 градус һыуыҡ, урыны менән ете градустан түбән, көндөҙ 1 градус йылынан 4 градусҡаса һалҡын, таулы райондарҙа 10 градусҡа тиклем йылы буласаҡ.