8 декабрь, Кесе йома

25 февраль 2015 йыл, 14:02

Баш ҡала халҡы һәм предприятиелар ветерандарға ремонт яһауҙа ярҙам күрһәтә ала

 

ӨФӨ, 2015 йыл, 25 февраль. /«Башинформ» мәғлүмәт агентлығы, Артур Басиров/. Өфөлә «Ватанды яҡлаусыға — ветеранға ремонт» акцияһы иғлан ителде. Акция Бөйөк Ватан һуғышында Еңеүҙең 70 йыллығына арналған, тип хәбәр  иттеләр ҡала хакимиәтенән.

Предприятиелар, ойошмалар, учреждениелар һәм баш ҡалала йәшәүселәр ветерандарға аҡса күсерә, төҙөлөш һәм биҙәкләү материалдары йәки квалификациялы эшселәр менән ярҙам итә ала. Аҡсалар торлаҡ биналарҙы ремонтлауға, яңғыҙ йәшәгән Бөйөк Ватан һуғышында ҡатнашыусыларҙың һәм инвалидтарҙың, тыл эшсәндәренең, һуғышта ҡатнашыусыларҙың тол ҡатындарының торлаҡ һәм көнкүреш шарттарын яҡшыртыуға йүнәлтеләсәк.

Белешмә өсөн телефон: 251-04-35.