4 декабрь, Йәкшәмбе

18 февраль 2015 йыл, 16:41

Башҡортостанда туристик ресурстар реестры булдырылды

 

ӨФӨ, 2015 йыл, 18 февраль. /«Башинформ» мәғлүмәт агентлығы, Артур Басиров/. Башҡортостанда төбәктең туристик ресурстар реестры эшләй башланы. Ул туристик ресурстарҙы берҙәм иҫәпләү һәм улар менән идара итеүҙе камиллаштырыу, республика туриндустрияһының мәғлүмәти ярҙамын яҡшыртыу өсөн булдырыла. Был турала Башҡортостандың Эшҡыуарлыҡ һәм туризм буйынса дәүләт комитеты хәбәр итә.

Реестр Рәсәй һәм халыҡ-ара баҙарҙа төбәктең туристик потенциалын үҫтерергә, туристик хеҙмәттәрҙең сифатын күтәрергә булышлыҡ итәсәк. Реестр Башҡортостандың Эшҡыуарлыҡ һәм туризм буйынса дәүләт комитеты сайтында урынлаштырылған. Шулай уҡ ҡулланыусыларға республиканың туристик порталы ла тәҡдим ителә.

темалар: туризм, реестр