10 декабрь, Шәмбе

13 февраль 2015 йыл, 15:43

Өфө Рәсәйҙә торлаҡтың ҡиммәтлеге буйынса алтынсы урында тора

 

ӨФӨ, 2015 йыл, 13 февраль. /«Башинформ» мәғлүмәт агентлығы, Артур Басиров/. Өфө илдә торлаҡ хаҡының ҡиммәтлеге буйынса алтынсы урынды биләй. 2015 йылдың ғинуарына Рәсәйҙәге торлаҡ баҙарындағы хәлдәр рейтингын Смета хаҡтары яһалышы һәм ҡиммәттәр инжинирингы милли ассоциацияһы төҙөгән.

Мәскәү исемлектә тәүге урынды биләй, унда бер квадрат метрының уртаса хаҡы 199 мең һум тәшкил итә. Артабан Санкт-Петербург, Мәскәү өлкәһе, Екатеринбург һәм Түбәнге Новгород ҡалалары килә.

Рейтингҡа ярашлы, ағымдағы йылдың ғинуарында Өфөлә торлаҡтың квадрат метрының уртаса хаҡы 64,1 мең һум тәшкил итте.

темалар: торлаҡ, рейтинг