7 декабрь, Шаршамбы

13 февраль 2015 йыл, 13:22

Мәктәптәрҙә ҡайнар аш хаҡы үҙгәрешһеҙ ҡалды — Өфө хакимиәте

 

ӨФӨ, 2015 йыл, 13 февраль. /«Башинформ» мәғлүмәт агентлығы, Эльмира Сабирова/. Өфөнөң дөйөм белем биреү мәктәптәре уҡыусылары өсөн ҡайнар аш хаҡы 2014 йылғы кимәлдә ҡала. Тейешле ҡарарҙы муниципалитет ҡабул итте. Документҡа ярашлы, 1-4 класс уҡыусылар өсөн иртәнге аш 45 һумдан, төшкө аш — 55, төштән һуңғы аш 16 һумдан да кәм тәшкил итмәйәсәк. Өлкән класс уҡыусылары өсөн иртәнге аш 50 һумдан, төшкө аш — 60, төштән һуңғы аш 17 һумдан да кәм тормаясаҡ.

Өфө хакимиәтенең матбуғат хеҙмәте мәғлүмәттәре буйынса, ҡала бюджетынан етем, ата-әсә ҡарауынан ҡалған балалар, күп балалы ғаиләләрҙәге, социаль яҡтан хәүефле, аҙ тәьмин ителгән ғаиләләрҙәге балалар өсөн бер балаға көнөнә 30 һум күләмендә адреслы дотациялар күләме билдәләнгән.

Оҙайтылған көн төркөмдәрендә туҡланыуҙы ойоштороуға үрҙә һанап үтелгән категориялар өсөн шундай уҡ адреслы дотация билдәләнгән.