7 декабрь, Шаршамбы

12 февраль 2015 йыл, 17:01

Башҡортостан Хөкүмәте 2014 йылдың дүртенсе кварталына йәшәү минимумын билдәләне

 

ӨФӨ, 2015 йыл, 12 февраль. /«Башинформ» мәғлүмәт агентлығы, Әлим Фәйезов/. Башҡортостанда 2014 йылдың дүртенсе кварталына уртаса бер ай өсөн йәшәү минимумы 7234 һум күләмендә билдәләнде. Тейешле ҡарар кесаҙна, 12 февралдә, республика Хөкүмәте тарафынан ҡабул ителде.

Эшкә һәләтле халыҡ өсөн йәшәү минимумы күләме — 7710 һум, пенсионерҙарға — 5926, балалар өсөн — 7158 һум тәшкил итте.

Рәсәй Федерацияһы субъекты кимәлендә билдәләнеүсе йәшәү минимумы социаль программалар әҙерләгәндә һәм уларҙы ғәмәлгә ашырғанда иҫәпкә алына. Уның нигеҙендә аҙ тәьмин ителгән граждандарға социаль ярҙам күләме иҫәпләнә, тип аңлатма бирҙеләр БР Хөкүмәтенең матбуғат хеҙмәтендә.