3 декабрь, Шәмбе

11 февраль 2015 йыл, 16:47

Республикала эшҡыуарҙар өсөн «Бизнес-навигатор» проекты башлана

 

ӨФӨ, 2015 йыл, 11 февраль. /«Башинформ» мәғлүмәт агентлығы, Артур Басиров/. Республиканың II Эшҡыуарлыҡ аҙналығын үткәреү барышында бәләкәй һәм урта эшҡыуарлыҡ вәкилдәре өсөн «Бизнес-навигатор» проекты старт ала. Был турала Башҡортостандың Эшҡыуарлыҡ һәм туризм буйынса дәүләт комитетынан хәбәр иттеләр.  

Проектта ҡатнашыусылар үҙҙәрен ҡыҙыҡһындырған һорауҙарға яуаптар алыу, шулай уҡ бизнес донъяһында яңы партнерҙар табыу һәм файҙалы бәйләнештәр урынлаштырыу мөмкинлегенә эйә. «Бизнес-навигатор» проектында тематик семинарҙар үткәреү ҡаралған. Уларҙы 50-нән ашыу эксперт һәм уңышлы эшҡыуарҙар алып барасаҡ.

Проектта ҡатнашыу бушлай. Тулыраҡ мәғлүмәтте Башҡортостан Сауҙа-сәнәғәт палатаһының Бизнес мәктәбе сайтында табырға мөмкин.