Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.50 ↓

EUR 63.94 ↓

24 ғинуар, Шишәмбе

Уфа   °

Босниялағы «Алтайҙан Балҡанға тиклем төрки дөнъяһы» күргәҙмәһендә башҡорт рәссамдарының эштәре ҡуйылған

Мәҙәниәт

ӨФӨ, 2015 йыл, 10 февраль. /«Башинформ» мәғлүмәт агентлығы, Ләйлә Аралбаева/.

Боснияның баш ҡалаһы Сараевола «Алтайҙан Балҡанға тиклем төрки дөнъяһы» тип аталған художество күргәҙмәһе асылды. Проект Сараеволағы ҡышҡы фестиваль сиктәрендә үтә.

Экспозицияла 16 төрки телле илдәрҙән — Әзербайжан, Төркиә, Үзбәкстан, Төркмәнстан, Гагаузия (Молдова), Рәсәй Федерацияһы республикаларынан килгән 33 рәссамдың әҫәрҙәре тәҡдим ителгән. Эштәр араһында өс башҡорт авторының — Башҡортостандың атҡаҙанған рәссамы Фәйзрахман Исмәғилевтың, Земфира Ғәлимованың һәм Әлиә Байрамғолованың әҫәрҙәре лә бар.

— Рәссамдар күргәҙмәһе 17-се тапҡыр уҙғарыла. Беҙҙең ойошманың архивында төрки дөнъяһының матурлығы хаҡында бәйән итеүсе меңгә яҡын картина иҫәпләнә, — тип билдәләне ТЮРКСОЙ-ҙың генераль секретары Дюсен Касеинов.

Элекке йылдарҙа төрки телле илдәр рәссамдарының эштәре күп кенә дәүләттәрҙә күрһәтелде, әммә Балҡан илдәрендә күргәҙмә тәүге тапҡыр ойошторола, тип аңлатма бирҙеләр ТЮРКСОЙ-ҙың матбуғат хеҙмәтендә.

Яндекс цитирования
Рейтинг ресурсов "УралWeb" -->
закрыть