8 декабрь, Кесе йома

09 февраль 2015 йыл, 16:09

Өфөлә йәштәр өсөн вакансиялар йәрминкәһе үтә

 

ӨФӨ, 2015 йыл, 9 февраль. /«Башинформ» мәғлүмәт агентлығы, Артур Басиров/. 12 февралдә Өфөнөң халыҡ мәшғүллеге үҙәгендә — йәштәр хеҙмәт биржаһында вакансиялар йәрминкәһе үтәсәк, тип хәбәр ителә ҡала хакимиәте сайтында.

Тәҡдим ителәсәк вакансиялар иҫәбендә: хәрәкәт хәүефһеҙлеге буйынса инженер, педагог, баш бухгалтер, юрист, табип, сәс алыусы, вахтер, водитель, кер үтекләүсе. Вакансия һайлауҙан тыш, Мәшғүллек үҙәге белгестәре эшмәкәрлек һәм уҡыу йүнәлешен һайлау буйынса индивидуаль консультациялар бирә, ҡыҙыҡһыныуҙарҙы һәм шәхси сифаттарҙы билдәләү маҡсатында компьютерҙа тест үткәрә.

Эш эҙләүселәр өсөн «Уңышҡа табан 10 аҙым» махсус оҫталыҡ дәресе планлаштырылған.

Вакансиялар йәрминкәһе сәғәт 10-дан 12-гә тиклем Ибраһимов бульвары, 47/1 адресы буйынса уҙа.