Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.49 ↓

EUR 63.17 ↑

23 май, Шишәмбе

Уфа   °

Башҡортостанда 44 ауыл һәр фатирҙы йылытыу системаһына күсәсәк

Иҡтисад

ӨФӨ, 2015 йыл, 3 февраль. /«Башинформ» мәғлүмәт агентлығы, Розалиә Вәлиева/.

Башҡортостандың 30 районында һәр фатирҙы йылытыу системаһына күсеү һәм блоклы ҡаҙанлыҡтар ҡуйыу программаһы ғәмәлгә ашырыласаҡ. БР Хөкүмәтенең тейешле ҡарары рәсми хоҡуҡи мәғлүмәт порталында баҫылған.

Башҡортостан Республикаһының торлаҡ-коммуналь хужалыҡ министры Сергей Афонин аңлатыуынса, программала иҫке йылылыҡ трассалары һәм ҡаҙанлыҡтарҙы ремонтлау ҙур бюджет сығымдары талап иткән ауылдар ҡатнаша.

Программаны бойомға ашырыу өсөн райондар республика бюджетынан субсидия алыу мөмкинлегенә эйә. Субсидия алыуҙың төп шарттары — хаҡтың 25 проценты күләмендә эштәрҙе өлөшләтә финанслау, килешелгән һәм раҫланған проект документацияһы.

Һәр фатирҙы йылытыу системаһына күсеү һәм блоклы ҡаҙанлыҡтар ҡуйыу программаһын ғәмәлгә ашырыу йылытыу һәм эҫе һыу менән тәьмин итеү проблемаларын хәл итергә, иҫке йылылыҡ трассаларын файҙаланыуҙы туҡтатырға, халыҡтың йылытыу һәм системаны төҙөкләндереү өсөн коммуналь түләүҙәрен кәметергә мөмкинлек бирәсәк.

Ҡарар нигеҙендә сараларҙы финанслау күләме һәм субсидиялар биреү тәртибе раҫланған.

2015-2020 йылдарҙа программаны финанслауҙың дөйөм күләме 1,8 миллиард һум тәшкил итә. 2015 йылға 164,2 миллион һум планлаштырылған.

Яндекс цитирования
Рейтинг ресурсов "УралWeb" -->
закрыть