5 декабрь, Дүшәмбе

27 ғинуар 2015 йыл, 10:23

Башҡортостан муниципалитеттары туристик интернет-порталында иҫтәлекле урындары хаҡында мәғлүмәт ҡалдыра ала

 

ӨФӨ, 2015 йыл, 27 ғинуар. /«Башинформ» мәғлүмәт агентлығы, Артур Басиров/. Башҡортостандың Эшҡыуарлыҡ һәм туризм буйынса дәүләт комитеты республиканың туристик порталы өсөн мәғлүмәттәр туплай башлай. Порталда муниципаль берәмектәрҙең туристик хеҙмәттәре тураһында махсус бүлек булдырыласаҡ, тип хәбәр ителә ведомство сайтында.

Дәүләт комитетынан хәбәр итеүҙәренсә, сайтта махсус бүлек асыу муниципалитеттарҙағы туристик маршруттарҙың һәм объекттарҙың билдәлелеген күтәрергә мөмкинлек бирәсәк.

Туризмды үҫтереү урындағы бюджетты тулыландырыу сығанаҡтарының береһе булыуы ихтимал.