8 декабрь, Кесе йома

23 ғинуар 2015 йыл, 16:14

Өфөлә Донецк һәм Луганск халыҡ республикаларында йәшәүселәр өсөн техник реабилитация сараларын йыйыу пункты ойошторолған

 

ӨФӨ, 2015 йыл, 23 ғинуар. /«Башинформ» мәғлүмәт агентлығы, Гөлфиә Акулова/. Өфөлә Бөтә Рәсәй инвалидтар йәмғиәтенең Башҡортостан ойошмаһы бинаһында Донецк һәм Луганск халыҡ республикалары халҡы өсөн техник реабилитация сараларын йыйыу пункты ойошторолған.

«Донецк һәм Луганск халыҡ республикалары биләмәләрендәге хәрби бәрелештәр һөҙөмтәһендә урында йәшәүселәрҙең күбеһе ҡаты яраланып, инвалид булып ҡалды. Уларҙы техник реабилитация саралары — ҡултыҡ таяҡтары, кресло-коляскалар, гигиена кәрәк-яраҡтары менән тәьмин итергә кәрәк», — тип хәбәр иттеләр ойошманың матбуғат хеҙмәтенән.

Бөтә Рәсәй инвалидтар йәмғиәтенең Башҡортостан ойошмаһы адресы: Менделеев урамы, 23. Белешмә өсөн телефон: (347) 253-33-13.