5 декабрь, Дүшәмбе

20 ғинуар 2015 йыл, 14:30

Өфө — йәшәү сифаты буйынса егерме ҙур ҡала исемлегендә

 

ӨФӨ, 2015 йыл, 20 ғинуар. /«Башинформ» мәғлүмәт агентлығы, Екатерина Соколова/. 2014 йылда Өфө Рәсәй ҡалаларында йәшәү сифаты рейтингында 18-се урынды биләне. Тикшеренеүҙе Рәсәй Федерацияһы Хөкүмәте ҡарамағындағы Финанс университетының социология департаменты тапшырҙы. Төмән рейтинг лидеры тип танылған, артабан Мәскәү һәм Ҡазан ҡалалары килә.

Рейтинг 500 меңдән ашыу кеше йәшәгән 37 ҡала мәғлүмәттәре нигеҙендә төҙөлгән. Социологтар ҡалала йәшәүселәрҙең һаҡлау системаһы, торлаҡ-коммуналь хеҙмәт, мәғариф учреждениелары эше менән ҡәнәғәт булыу-булмауын, ҡаланың төҙөклөгөн, юл хужалығы торошон, халыҡтың күсеп китеүгә әҙерлеген, шулай уҡ табыш кимәлен тикшергән.

Башҡортостандың баш ҡалаһы һаулыҡ һаҡлау өлкәһе һәм хәүефһеҙлекте тәьмин итеү буйынса рейтинг бүлексәһендә 13-сө һәм торлаҡ фонды хәле һәм хеҙмәтләндереү сифаты буйынса 17-се урынды биләй.

Волгоград йәшәү сифаты буйынса һуңғы урында.

темалар: рейтингтар, өфө