5 декабрь, Дүшәмбе

16 ғинуар 2015 йыл, 18:10

Башҡорт дәүләт университеты абитуриенттарына 11 балл өҫтәләсәк

фото: Олег Яровиков

ӨФӨ, 2015 йыл, 16 ғинуар. /«Башинформ» мәғлүмәт агентлығы, Эльмира Сабирова/. 2015 йылда Башҡорт дәүләт университетында абитуриенттар өсөн өҫтәмә балдар системаһы индерелә. Шәхси ҡаҙаныштар өсөн Берҙәм дәүләт имтиханы һөҙөмтәләренә 11-гә яҡын балл өҫтәләсәк, тип хәбәр иттеләр уҡыу йортоноң матбуғат хеҙмәтенән.

Башҡорт дәүләт университетына уҡырға инеүселәр тик яҡшы билдәләре булған аттестат өсөн өс, ГТО (хеҙмәткә һәм оборонаға әҙер) билдәһе өсөн ике, йомғаҡлау иншаһына бер балл аласаҡ. Бынан тыш, Башҡорт дәүләт университетында йәки уҡыу йорто ярҙамында үткәрелгән олимпиадаларҙа еңеү яулаған йәки ҡатнашҡан өсөн дә балдар өҫтәләсәк. Ҡатнашыусыға — бер, призерға — ике, еңеүсегә — биш балл.