8 декабрь, Кесе йома

14 ғинуар 2015 йыл, 14:11

Башҡортостан сауҙа үҫешенә бюджет сығымдарын өстән бер өлөшкә арттыра

фото: Андрей Старостин

ӨФӨ, 2015 йыл, 14 ғинуар. /«Башинформ» мәғлүмәт агентлығы, Эльвира Латипова/. 2013-2018 йылдарҙа «Башҡортостан Республикаһында сауҙаны үҫтереү» дәүләт программаһын республика бюджеты саралары иҫәбенә финанслау 32,2 процентҡа арта — 187,7 миллиондан алып 248 миллион һумға тиклем. Үҙгәрештәр рәсми хоҡуҡи мәғлүмәт порталында баҫылған Башҡортостан Хөкүмәте ҡарары нигеҙендә индерелгән.

Бюджеттан тыш сығанаҡтарҙы иҫәпкә алып программаны финанслауҙың дөйөм күләме 42 процентҡа — 428,3 миллиондан 606,7 миллион һумға тиклем арта.

Бөгөнгә республиканың тупланма бюджетында һалым керемдәрендә сауҙа өлөшө 10 процент тирәһе тәшкил итә. Ошо күрһәткес буйынса тармаҡ сәнәғәттән генә ҡалыша. Эш урындары һаны буйынса лидерҙар рәтендә, ул 200 меңдән ашыу кешене эш менән тәьмин итә. Тулайым төбәк продукты структураһында сауҙа өлөшө — 15 процент.

Программаны төҙөүселәр фекеренсә, тармаҡтың төп проблемалары —  сикләнгән һатып алыу һәләте нигеҙендә инфляцияның юғары кимәле, инфрастуктураның етерлек үҫешмәүе, административ ҡаршылыҡтар.