9 декабрь, Йома

26 декабрь 2014 йыл, 17:33

Башҡортостандың Мәғариф министрлығы төбәктең иң яҡшы 30 мәктәбен билдәләне

 

ӨФӨ, 2014 йыл, 26 декабрь. /«Башинформ» мәғлүмәт агентлығы, Эльмира Сабирова/. Башҡортостандың Мәғариф министрлығы төбәктең 30 иң яҡшы белем биреү ойошмалары исемлеген иғлан итте. Ведомствоның дөйөм белем биреү һәм дәүләт йомғаҡлау аттестацияһы бүлеге начальнигы урынбаҫары Наталья Кот һүҙҙәренсә, исемлек төҙөгәндә түбәндәге критерийҙар: һуңғы өс йылда уҡыусыларҙың Бөтә Рәсәй олимпиадалары һөҙөмтәләре, йомғаҡлау этабында еңеүсенең булыуы, 2014 йылда Берҙәм дәүләт имтиханының уртаса балдары иҫәпкә алынған. Йәки тәү сиратта уҡытыусылар коллективының һәм белем биреү ойошмаһының эш һөҙөмтәлелеге баһалана.