Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89

EUR 69.42

18 декабрь, Дүшәмбе

Уфа   °

Олег Хановҡа Станиславский исемендәге премия тапшырылды

Мәҙәниәт

ӨФӨ, 2014 йыл, 24 декабрь. /«Башинформ» мәғлүмәт агентлығы, Галина Феоктистова/.

Мәскәүҙә Станиславский исемендәге халыҡ-ара премияһын тапшырыу тантанаһы уҙҙы. Мәжит Ғафури исемендәге Башҡорт дәүләт драма театры артисы һәм художество етәксеһе Олег Ханов был премияға «Актер оҫталығы. Иң яҡшы ир-ат роле» номинацияһында лайыҡ булды. 11 номинацияла 12 театр сәнғәте вәкилдәре, шул иҫәптән Бөйөк Британиянан ике режиссер бүләкләнде.

Премияларҙы тапшырыу тантанаһы 22 декабрҙә баш ҡаланың «Балчуг Кемпински» отелендә үтте.

Премия лауреаттарына арналған йыйынтыҡта билдәләнгәнсә, Олег Ханов «һуңғы йылдарҙа башҡарған ролдәре өсөн» ошо юғары награданы алды. Премия беренсе тапҡыр төбәктәге артисҡа бирелде. Уны жюри ағзаһы, сәнғәт фәне докторы, профессор, ГИТИС оҫтаханаһы етәксеһе Алексей Бартошевич тапшырҙы.

«Станиславский исемендәге премия» 1994 йылда ошо уҡ исемдәге фонд тарафынан булдырылған. Премия актерҙарға, режиссерҙарға, педагогтарға, тикшеренеүселәргә һәм театр эшен ойоштороусыларға театр сәнғәтендә ижади ҡаҙаныштары өсөн бирелә. Һәр лауреатҡа МХАТ аҡсарлағы һәм Станиславскийҙың ҡултамғаһы төшөрөлгән почет билдәһе тапшырыла. Уҙған йылдарҙа 200-ҙән ашыу күренекле сәнғәт эшмәкәрҙәре премия лауреаттары булды.

Яндекс цитирования
Рейтинг ресурсов "УралWeb"
закрыть