7 декабрь, Шаршамбы

24 декабрь 2014 йыл, 10:59

«500 ферма» программаһына тағы ла өс хужалыҡ ҡушылды

 

ӨФӨ, 2014 йыл, 24 декабрь. /«Башинформ» мәғлүмәт агентлығы, Артур Басиров/. «500 ферма» республика маҡсатлы программаһында ҡатнашыусыларҙы һайлап алыу буйынса унынсы ултырыш йомғаҡтары буйынса уға тағы ла өс хужалыҡ: Күгәрсен районының «Тәүәкән»дәүләт унитар ауыл хужалығы предприятиеһы, Дүртөйлө районының «Игенсе» һәм Иглин районының «Ҡалтыман» асыҡ акционер йәмғиәттәре ҡушылды. Башҡортостандың Ауыл хужалығы министрлығынан хәбәр итеүҙәренсә, был хужалыҡтарҙа биш һөтсөлөк-тауар фермаһы яңыртыласаҡ.

«500 ферма» программаһы тормошҡа ашырыла башлағандан алып унда тоҡомсолоҡ эше буйынса бер предприятие һәм 159 ауыл хужалығы предриятиелары ҡатнашҡан.