8 декабрь, Кесе йома

12 декабрь 2014 йыл, 12:05

Башҡортостан – һатып алыуҙар асыҡлығы буйынса милли рейтинг лидерҙары рәтендә

 

ӨФӨ, 2014 йыл, 12 декабрь. /«Башинформ» мәғлүмәт агентлығы, Розалиә Вәлиева/. Башҡортостан «Һатып алыуҙар асыҡлығы буйынса милли рейтинг-2014» проекты һөҙөмтәләре буйынса «гарантияланған асыҡлыҡ» категорияһында юғары балл йыйған төбәк лидерҙары иҫәбенә инә, тип хәбәр иттеләр республиканың Дәүләт заказдарын урынлаштырыу буйынса дәүләт комитетының матбуғат хеҙмәтенән.

Рейтинг лидерҙары асыҡ һәм һөҙөмтәле эшләй, уларҙың эшмәкәрлеге конкуренция кимәленең юғары булыуы һәм мәғлүмәт асыҡлығы менән айырылып тора, тип аңлатма бирҙеләр проекттың ойоштороу комитетында.  

2014 йылдың рейтингы контракт системаһы тураһында яңы закон положениеларын иҫәпкә алып төҙөлдө. Һатып алыуҙар өлкәһен күҙәтеү һәм иң яҡшы тәжрибәләр эҙләү – проекттың мөһим бурыстарының береһе. Тикшереү барышында 2,5 миллиондан ашыу һатып алыу тәртибе ҡаралған, уларҙың дөйөм күләме – яҡынса 6,7 триллион һум.  

Йомғаҡ яһағанда zakupki.gov  һәм «Росстат»тың рәсми сайттары, төбәк һәм муниципаль берәмек, шулай уҡ дәүләт, муниципаль заказ биреүселәрҙең һәм дәүләт компанияларының мәғлүмәттәре файҙаланылды.