4 декабрь, Йәкшәмбе

01 декабрь 2014 йыл, 10:25

Башҡорт дәүләт аграр университеты баскетболсылары – EuroCup-2015 финалында

фото: Альмир Сибәғәтуллин

ӨФӨ, 2014 йыл, 1 декабрь. /«Башинформ» мәғлүмәт агентлығы, Евгения Сюткина/. Башҡорт дәүләт аграр университетының ирҙәр баскетбол командаһы милли һайлап алыуҙың хәл иткес мачында М.В.Ломоносов исемендәге Мәскәү дәүләт университетының «МГУ-Динамо» командаһын еңеп EuroCup-2015 Халыҡ-ара студент баскетбол лигаһында финалға сыҡты.

Матч 97:81 иҫәбе менән Өфө файҙаһына тамамланды.

Башҡорт аграр университеты баскетболсылары илебеҙ исеменән Европа беренселегендә сығыш яһаясаҡ. Милли һайлап алыу тағы ла 12 илдә уҙҙы – Германияла, Грузияла, Израилдә, Латвияла, Литвала, Сербияла, Төркиәлә, Хорватияла, Черногорьела, Чехияла, Эстонияла һәм Японияла.

Алда өфөләрҙе ярыштарҙың финал өлөшө көтә – ғинуарҙа улар сит ил командалары менән осрашасаҡ.

темалар: баскетбол