8 декабрь, Кесе йома

21 ноябрь 2014 йыл, 16:45

РФ Энергетика министрлығы Өфөнө 2028 йылға тиклем йылылыҡ менән тәьмин итеү схемаһын раҫланы

 

ӨФӨ, 2014 йыл, 21 ноябрь. /«Башинформ» мәғлүмәт агентлығы, Розалия Вәлиева/. РФ Энергетика министрлығы Өфөнө йылылыҡ менән тәьмин итеү схемаһын раҫланы, тип хәбәр итә ҡала хакимиәтенең матбуғат хеҙмәте.

Схемала йылылыҡ системаһының һөҙөмтәле һәм хәүефһеҙ эшләүен, энергияны һаҡсыл тотоноу һәм энергия һөҙөмтәлелеген арттырыу өлкәһендә хоҡуҡи көйләүҙе иҫәпкә алып уның үҫешен нигеҙләү буйынса проект алды материалдары бар.  

Йылылыҡ менән тәьмин итеү схемаһы 2028 йылға тиклемге перспективаны иҫәпкә алып, Өфөнөң территориаль планлаштырыу документтары нигеҙендә әҙерләнә. Документ алдағы 15 йылға ҡаланың йылылыҡ тәьминәтен, йылылыҡ селтәрен һәм сығанаҡтарын үҫтереү стратегияһын, хаҡ сәйәсәтен һәм йылылыҡ энергияһына тарифтарҙы раҫлау процесын билдәләй.

Ҡаланың раҫланған йылылыҡ тәьминәте схемаһы 15 көн дауамында тулы күләмдә Өфө хакимиәтенең рәсми сайтында урынлаштырыласаҡ.