4 декабрь, Йәкшәмбе

20 ноябрь 2014 йыл, 15:23

Башҡортостан буйынса Баш федераль инспектор һәм Рәсәйҙең Юғары мөфтөйө хеҙмәттәшлек юлдарын билдәләнеләр

 

ӨФӨ, 2014 йыл, 20 ноябрь. /«Башинформ» мәғлүмәт агентлығы, Арина Рәхимҡолова/. Башҡортостан Республикаһы буйынса Баш федераль инспектор Андрей Чечеватов РФ мосолмандарының Үҙәк диниә назараты рәйесе, Юғары мөфтөй Тәлғәт Тажетдин менән эшлекле осрашыу уҙғарҙы. Һөйләшеү Рәсәй мосолмандары Үҙәк диниә назаратының тарихи резеденцияһында үтте, унда инспектор танышыу визиты менән барҙы.

Әңгәмәләшеү барышында Рәсәй мосолмандар мөхитендә йәмғиәттең рухи-әҡлаҡи яңырыуы, экстремизм менән көрәшеү өлкәһендәге артабанғы хеҙмәттәшлек менән бәйле киң мәсьәләләр теҙмәһе тикшерелде.

Тәлғәт Тажетдин баш федераль инспекторға традицион Рәсәй исламы һәм православиеның яҡынлығы, Башҡортостанда йәшәүсе төрлө дини конфессия вәкилдәренең боронғо дуҫлығы, ваххабизм һәм башҡа ислам экстремизмы төрҙәренең республикаға инеүенә юл ҡуймау буйынса Мосолмандар Үҙәк диниә назаратының алып барған эшмәкәрлеге тураһында һөйләне. Шулай уҡ һүҙ Ватандың рухи көсөн ҡайтарыу һәм уның иҡтисади ҡеүәте хаҡында барҙы.

Андрей Чечеватов Юғары мөфтөйгә йөкмәткеле әңгәмә өсөн рәхмәт әйтте һәм быға оҡшаш осрашыуҙарҙың даими буласағына ышаныс белдерҙе.