Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.02 ↓

EUR 61.96 ↓

28 март, Шишәмбе

Уфа   °

Рәсәй почтаһы төбәк киң мәғлүмәт сараларына берәмләп һатыу менән ярҙам итәсәк

Йәмғиәт

ӨФӨ, 2014 йыл, 18 ноябрь. /«Башинформ» мәғлүмәт агентлығы, Розалия Вәлиева/.

Рәсәй почтаһы һәм Рәсәй төбәк киң мәғлүмәт саралары етәкселәре альянсы Рәсәйҙең бөтә почта бүлексәләрендә төбәк гәзит һәм журналдарын берәмләп һатыу буйынса уртаҡ проектты башланы.

Проект сиктәрендә Рәсәй почтаһы төбәк баҫмаларын берәмләп һатыуҙы, уларҙы почта бүлексәләрендә ҡулланыусылар өсөн күренгән урындарға ҡуйыуҙы тәьмин итә. Таратылырға тейешле баҫмалар исмемлеген «АРС-ПРЕСС» әҙерләй. Әлеге ваҡытта Башҡортостан баҫмаларынан тыш, исемлеккә Әстрәхан, Воронеж, Липецк, Түбәнге Новгород, Һамар өлкәләре һәм Рәсәйҙең башҡа төбәктәре инә. Таратыуҙа ижтимағи-сәйәси баҫмаларға өҫтөнлөк бирелә. Исемлек артабан да киңәйәсәк.

— Төбәк киң мәғлүмәт сараларын берәмләп таратыу – Рәсәй почтаһының төбәк баҫмаларға булышлыҡ итеүҙә тағы ла бер мөһим аҙым. Шулай уҡ нәшриәттәр менән туранан-тура килешеүгә күсәбеҙ, үҙ яҙылыу агентлыҡтарыбыҙҙы асабыҙ, ташламалар эшләйбеҙ, маркетинг ярҙамы күрһәтәбеҙ, — тип хәбәр итте Рәсәй почтаһы генераль директоры Дмитрий Страшнов.

Башҡортостанда Рәсәй почтаһы йылына 56 миллионлап баҫма таратып, ике миллион самаһы яҙылыусыны хеҙмәтләндерә.

Яндекс цитирования
Рейтинг ресурсов "УралWeb" -->
закрыть